فيسبوك
واتساب
لو ضاقت بِك يوم الدنيا - وتخاصمك وبسرعة ثانية
اتبسّم بالعِند وفيها - إلعن خَدّامها وشاريها
وافرد عضلاتك وبقوة - واعمل نفسك مرة فتوة
بس إيّاك من ظلم الناس - إوعى توطّى لإيد تتباس
واضحك لو بالكدب وإفرح
عيش بخيالك فى الكون واسرح
تلقى الدنيا بتركع نادمة
جايّة ماليها ذهول الصدمة
جايّة بكل الشوق ودلال - إوعى تنخّ قوام فى الحال
ما تصدّقها ولاتشتاقها - واعمل نفسك خالى البال
واعمل نفسك قال خيّال
تلقى الدنيا ذليلة وتصبح - قدوة لكل الناس ومثال
أرشيفية
