فيسبوك
واتساب
محروسة يا بلدى محروسة
وبفهمك كدتِ المفروسة
واخترتِ بصوتك ريّسْنَا
يُحْكُمْ ويكيد المتعوسة
ندعيله فى وقت الفَجْرِيّة
يقضى عـ الفتنة المدروسة
ويشلّ الأفعى الخنزيرة
مدعاة الفرقة المدسوسة
ندعيله فى وقت الظهرية
يِقْبَضْ على لصّ المحروسة
يحكم بالعدل بينِ أوْلادها
وِيْرُدّ أمْوالنا المتروسة
فى الخارج باسم الحرامية
ويْأَكّلْ شعبه البسبوسة
ويردّ الظالم عن مظلوم
فيه ناس مظلومة ومحبوسة
ندعيله فى وقت العصرية
يحكم بالشّرْعِ وشرعية
يُحْكُمْ بالسنّة النبوية
على كل أبناء المصرية
ندعيله فى المغرب بالتمكين
يصلحه ربّى فى دنيا ودين
يجعله ربّى أمين ومعين
يحمى عيالنا منِ الشّياطين
يحفظ مالنا منِ الْخَايْنين
وسط الليل ندعيله يحارب
زمرة ظلمه سرقوا القارب
كل حياتهم ظالم غالب
والإعلام محتاج لمحارب
يصلح حاله لأنه مصايب
تلقاه إمّا أجير أو شارب
بكرة نشوف ريّسنا يجاوب
محروسة يا بلدى محروسة
وبأهلك كدتِ المفروسة
صورة أرشيفية
