صوتى للى حمانا صوتى للبطل
علشان الشهيد اللى بالغدر اتقتل
علشان مفيش حر يخش المعتقل
علشان كلنا وراه ونودع الكسل
علشان نودع الفقر نجنى العسل
علشان الصبح بدرى نودع الملل
علشان نعيد مصر من غير وجل
علشان الدين نعرفه من غير خلل
صوتى للى عاش أحلك الساعات
قال تتقطع أيدينا لو زرعنا الآهات
علشان أجيب حق كل شهيد مات
علشان أجفف دموع كل الأمهات
علشان لا مصالحة على اللى فات
علشان يدور المكن تزغرد الآلات
علشان أمتع العالم منا بالصادرات
علشان الموازنة تودع العجوزات
صوتى للى هيمسح الهم والشجن
علشان نعبر بمصرنا أعتى المحن
علشان مصر تفضل توأم كل زمن
علشان انسج لكل باغى أحقر كفن
علشان نبنى بلا مطالب ولا وهن
علشان حبنا يكون من غير تمن
علشان نحمى نفسنا من كل منن
صوتى دمى علشان بحبك يا وطن
صورة أرشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة