فاكر نفسك وأنت صغير وبتتمنى الوقت يجرى
الكل شايفك مستعجل وبيقولك ده لسه بدرى
فاكر لما كنت صغير ونفسك مرة واحدة تكبر
بتكبر نفسك سنة واتنين ونفسك تبان للناس أكبر
فاكر لما كان طموحك تبص لروحك فى المرايا
تلاقى بس زيادة فى طولك أو فى عرضك تعمل حكاية
تجرى مرة واحدة تصرخ والفرحة تكون مش سايعاك
بتدور على أهلك واصحابك وع اللى هنا واللى هناك
عشان تقول كلمه واحدة:
أنا كبرت
أنا قد المسئولية
لو مش مصداقينى جربونى
لو غلطت العيب عليا
وفعلا عدت الأيام والبعيد أهو جه وقرب
جه الوقت عشان تعافر عشان تحاول عشان تجرب
ولما جربت مكنتش قد المسئولية
فيه فى حساباتك حاجة ناقصة فيه مغالطة
لو فاكر الكبير كبير بسنه دى أكبر غلطة
الكبير كبير بعقلة وبتفكيره وبكلامه
مهما موج الشر قرب ميقربش من سلامه
هو عارف عايز إيه؟
هو هيعمل اللى نفسه فيه
لو نفسك تبقى زيه
حب نفسك
حب الغير
اعمل كل حاجة خير
عيشها بصبر وبضمير
وقتها بس هتبقى كبير.
صورة ارشيفية
مشاركة
اضف تعليقاً واقرأ تعليقات القراء
مشاركة
