إحنا المصريين على الثورة مكملين
صحيح متأخرين ونهارنا غاب سنين
عيشنا فى ليل حزين
نسيناه ومش راجعين
لو جيه رئيسنا مين
إحنا خلاص عارفين
الحرية هى الطريق
من غيرها مش عايشين
إحنا بقينا حاكمين
مش هنرجع محكومين
نام وارتاح يا شهيد
إحنا بقينا شعب جديد
فى عينينا أمك يا شهيد
ده بدمك أنت جانا العيد
طلع علينا النهار
وهنكمل المشوار
ده الثورة يا ثوار
نار فى قلب الأشرار
عايزينها إرهاب ودمار
اتهد عليهم الدار
مثلو علينا دور أحرار
مطلعش عليهم نهار
خلاص يا ثوريين عرفنا كل الأسرار
وإحنا علشان مؤمنين مابنتلسعش من نار
إحنا المصريين هنعيش على طول أحرار
صورة أرشيفية
مشاركة
اضف تعليقاً واقرأ تعليقات القراء
مشاركة
