دشن حزب النور، نشيدًا لتأييد المشير عبد الفتاح السيسى، المرشح لانتخابات رئاسة الجمهورية، بعنوان "حراس صاحيين"، وتم تداوله من قبل شباب النور على مواقع التواصل الاجتماعى.
يذكر أن خالد زيدان أحد منشدى حزب النور هو من قام بتأليف النشيد ونشره على شبكة الإنترنت.
وتقول كلمات النشيد:
يارب ريس بكرة تعين، والمجد يرجع زى سنين، أجب دعاء قلب الملايين، يكون قوى ع الأرض أمين.
واليوم رئيس لينا بنختار، السيسى أنسب خدنا قرار، عشان نحقق الاستقرار، وإحنا معاه طبعا ناصحين.
أملنا واحنا ف حزب النور، نسعد وطن وننور دور، برحمة، حب ولين وسرور، على الحدود حراس صاحيين.
يا سيسى مصر أمانة عليك، إيدينا حط معاها إيديك، ننشر أمان ونعمر بيت، ولم شمل المصريين.
دى مصر حمل وحمل تقيل، ولو لوحدك مش هتشيل، بعون إلهنا نشد الحيل، وفى الصدارة نكون ماسكين.
أملنا واحنا ف حزب النور، نسعد وطن وننور دور، برحمة ،حب ولين وسرور، على الحدود حراس صاحيين.
النجمة رمزنا واخترناه، مؤسسات الدولة معاه، وكله قال مؤمن بالله، يحمى البلاد شر التقسيم.
وافقنا خالف قوم نحميها، متستاهلش نقطع فيها، ومين يحب أكيد يفديها، وده اللى يؤمر بيه الدين.
آمالنا عالية، طموحنا كبير، رجالنا همة، وبذل كتير، يارب نبقى سبب تغيير، أحسن لكل المصريين.
أملنا واحنا ف حزب النور، نسعد وطن وننور دور، برحمة ،حب ولين وسرور، على الحدود حراس صاحيين.
