فيسبوك
واتساب
افهم ناقش شغّل عقلك------اوعى تصدّق أى كلام
لو كبّلت العقل هتلقى------نفسك غارق فى الأوهام
هات برهانك كوّن زاوية----وارسم خط بدون أقلام
واوعى المخ ينام له شويّه---داللى خلقنا هو العلاّم
لو قال جَمَله طلع النخلة-—-رُد{ركبت أسد بلجام}
ولمحت الأطلنطى بيجرى-—شايل دجلة وكله تمام
أمّا الكلب بتاع شلبية-----طار امبارح زى حمام
والزقازيق سابت الشرقية--هو الكدب بيكسب كام؟
وإن كررها إيّاك تسمع له---ياما العِلم كشف أوهام
لما هيسرح بيك نفض له----وانصحه إن الكِدب حرام
صورة أرشيفية
