فيسبوك
واتساب
مدت إيديها جوة منى
وقالتلى هات ضلعين سلف
استغربت عينى الكلام ! "ضلعين سلف" !!!!!!
إشمعنى يعنى من فقير
أرضه بتتنشق خلف ؟
ولا كان ملك ولا كان وزير
أو حتى مكتوبله الترف؟
فضلت تبص ف عينى خايفة
وقالتلى أمشى ..؟
قولتلها ليه؟ ...أنا أصلى مش لاقى الإجابة!
قالتلى هسند بيها عشى
قولتلها بضلوع الغلابة؟
قالتلى حمالة هموم
وأنا جوة منى ف الوجع ولا ألف كوم
محتاجة ضلعين أتسند يمكن أأقوم
ما تجيب بقى أو إيه نظامك ؟
قولتلها أصل .................
قالتلى ما تكمل كلامك!
وقول ضلوعى إتحرمت على أى واحدة
قولتلها مش ناقص مناهدة
بكفاية كام عشرين سنة بأخلع ضلوع وأسند ضلوع
ولا ستوميت ضلع اتخلع.
ما تدوريش ف ضلوعى عنى
ضلوعى ف ضلوع بنت جاحدة
زمان باعتنى عشان غويشة وحِمل سكر
وسابتنى غرقان ف الوجع.
صورة أرشيفية
