فيسبوك
واتساب
أول عين بتصحصح قلبى
أول خبطة على شباكه
أول نظرة تطوف وتلبى
أول دفقة دم فى وشى
تحمَّر خدى أوطى واخبى
كانت عينك آه من عينك
أول ركعة فى كعبة قلبى
لمّا بترفع عينك فى
كاس الشوق يفرغ ويعبى
أول مدنة وفوقها أدان
يكبر شوقى معاها وحبى
كل الشعرا ما عبروا عنها
أبو تمام ويَّا المتنبى
أه من رمشك أه من عينك
لمّا تعدى تفوت من جنبى
وترمى قصايد ف بحور شَعْرى
لمّا ألمه بطرحة أخبى
لمَّا عنيك بتعدى تسلم
ولا تتكلم شفة ما تنبى
أقرأ كلام متسطر فيها
بكل حروف الشعر العربى
أبصم ليك ولسحر عيونك
عقد ما بينا ويشهد قلبى
إنى بحبك آه ومجنونة
وبموت فيك والله وربى!!
صورة أرشيفية
