الراوى..
تحدث البطل القائد للأحباء
وتصاعدت القلوب إلى السماء
وجلة لله بالدعاء
وعادت لجموع الشعب أضواء
دعوة للقاء
لتتحقق على الأرض كلمة السماء
ثورة تنير الظلمة وتحرق الضباب
هيا يا شباب
البطل القائد...
رحت النهاردة شفت
المستقبل وجيت
يلا... يلا
يلا يا شباب
معايا نروح نشوفه
ونرجع من جديد
أحسن من اللى
شفناه ح نعمل
وعليه نزيد
يلا ... يلا
يلا يا شباب
صوت الشعب
نعمل المستقبل
بقلوب عيونها حيوية وأمل
ده إحنا بالكفاح والعمل
ح نبنى
ونبنى سد تانى وهرم
نكتب بكرة
بالأيمان بالولاء والقيم
بالعلم والانتماء والقلم
يلا... يلا...
يلا يا شباب
الراوى.......
الشعب فى الشوارع والميادين انهار
شباب وصغار وكبار
منغير أسرار
ولا للدين تجار
احرار احرار احرار
للتغير كلهم اصرار
خلوا التاريخ
يحب يكون بكره بدل إمبارح
لما اصروا ونزلوا وللعالم كله بهروا
يلا... يلا...
يلا يا شباب
وتزداد مجموعات الشباب...
لما سبنا
الروشنه والتنفيض والطحن نار
والمفسدات والمغريات والاستهتار
الواحد منا بسرعة صار
مدرسة وجامعة
ميدان وقلعة
وأسطول ثوار
للصحرا مزارع وبنى
وفيها عمار
يلا... يلا
يلا يا شباب
وتتعاظم وتزداد مجموعات الشباب...
ندى لبلدنا وندي
من غير ما نقول هات
نقهر اليأس بالعرق والابتسامات
نسبق الزمن ونبهر الدنيا
بالعربى وكل اللغات
بإصرارنا واجتهادنا
ح تملاها شبابيتنا
إنجازات ونجاحات
لما المستقبل
ح يعدى علينا
ح يتوه
لأنه ح يشوفها كلها خضره
ومصانع من السلوم لسينا
للشلالات
مصر أرضا وشعبا كلها......
يلا... يلا
يلا يا شباب
صورة أرشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة