فيسبوك
واتساب
ملامحك بتتغير وابتسامتك بتختفى
وولادك بينسوكى وفى كتير بقوا يكرهوكى
مش عارفين قيمة ترابك ولا حنية أرضك
أهلك اتقسموا وبيحاربوا فى بعضهم
ناسيين إنك حاربتى علشان يلاقوا
وطن يحميهم ويضمهم
مش حاسين حزنك عليهم
ولا شايفين الطمعانيين فيكى
ولا اللى عايز يغير ملامحك ويشوهك
علشان تتوهى وتبعدى وما نعرفش نلاقيكى
أو نلاقى ناس غريبة أو عدو بيمزقك
مع إن طول عمرك بتسامحى وبتنسى
لو حد بيهينك أو يجرحك
لكن كل اللى حبك وعشق ترابك
نفسه تعود ضحكتك وتنسى حزنك وتفرحى
وترجع شوارعك تنور ويملاها ولادك المخلصين
يزودوا أرضك وزرعك ويحفظوا أمنك وخيرك
وتعود الضحكة لنيلك اللى انطفت من سنين
ربنا يحفظك يا بلدى ويحميكى
ونقدر نداوى جروحك وتنسى ظلم السنين.
أرشيفية لعلم مصر
