آه يا سوريا نهاكى الدمار
القلب بيغلى و جوانا نار ٍ
دموعك يا سوريا مالهاش مكان
ده الدم ماليكى فى كل مكان
إنهارتى وطالك نار الدمار
إنطفى جمالك غاب النهار
قلوبنا بتبكى عليكى دماء
وبكره هتنزل عدالة السماء
أتشرد أخواتنا أتهدت بيوت
وأحنا حكامنا عايشنها فى سكوت
لأولأوكفيانا موت
متصرخ يا عربى وسمعنا صوت
متصحى يا عالم يا راعى الأرهاب
بكره يجيلك يكسر الأبواب
فوقوا يا بشر وقفوا بشار
ده القلب إنفطر وزاد لهيب النار
يللا بسرعة فوء وأصحى يا إنسان
ده رب الخلق فوق شاهد على الكلام
الخراب والدمار ملأ كل مكان
بالذمة ده كلام يموتوا وأحنا ننام
يا حقوق الإنسان كان ليكوا ألف لسان
أخويا السورى اتهان واتشرد فى البلدان
شوارعها بقت حطام والفاعل أصله جبان
اصحوا يا أوطان فوقوا يا فرسان
الشهداء بالأرقام والموت علينا هان
أصحوا يا مسلمين لشوية كدابين
بيتاجروا بأسم الدين وهمه مجرمين
أقفوا يا عرب فى وش الدمار
وبنخوة الرجولة وقفوا بشار
ده احنا قلوبنا مليها جمر النار
ودماكى يا سوريا طالت، طالت كل الديار
نفسى بكره ييجى وتعيش سوريا فى نهار.
صورة أرشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة