فيسبوك
واتساب
خانِك وباعِك زى بردو ما قُلتِلِك
سابِك لوحدك وف عينيكى دمعتِك
قالِّك إنك كل حُبهُ
وإنك الكون والوجود
مهما يحصل.. جوا قلبهُ
حُب مكتوب لُه الخلود
قالِّك إنك حاجة تانية
وإنه بيحبَك بجَد
عَيِّشِك أحلام ودُنيا
واتفق على ألف وعد
عَدّت الأيام يألِّف
كل يوم فى كلام جديد
واما كدبه يبان بيحلِف
إن ظنِّك مش أكيد
لمّا فكَّرتيه بحكايتى
قال عليّا أنا اللى بعت
قال على خيانته.. خيانتى
إن أنا ظَلمت وجَرحت
كنت صادقة كتير معاكى
يوم ما عنّه جيت حَكيتلِك
بس ما سمعتيش كلامى
وافتكرتى دى غِيرة مِنِّك
مش شماتة ف شىء حَصَلِّك
كنت بس بَفكّرِك
لمّا جيت عنّه وحكيتلك
كنت بقصُد انوّرِك
انسى أيامِك معاه
حُطى للأحزان دى حَد
بُكره تديكى الحياة
إللى هيحبِّك بجَد
صورة أرشيفية
