فيسبوك
واتساب
معقوله دمنا بقى ميه؟
وحياتنا ف لحظة بتضيع
ومين بيقتلنى ؟
مصرى لكن مأجور
مش ببكى على نفسى
ببكى على وطن مظلوم
ضاعت معاه روحى
ومين عليه الدور
معقوله دمنا بقى ميه
يا حكومه نعسانه
فى كوم قش نيمانه
مين يعد لى حياتى
وقلوبكوا ميتانة
قاعدين فى التكييف
وحراسة شمال ويمين
هو دم الشرطى رخيص
وكأنك يا مصر غابة
بتنهش فى لحمك ديابة
الكل شايف وساكت
دمنا بيسيل
بيروى الطين
وترابك يا مصر حاضنا
ليوم الدين
نسأل مين ودمنا بيسيل
صورة أرشيفية
