فيسبوك
واتساب
ولا مرة قلت بحبك
وعيونك ردت فورى
قلبى المتكتف بيكى
بيحب الرد الثورى
ويحب يشوف أعلامك
فى مسيرة حبه تلالى
والصوت الطالع منك
يترص حروف ف ودانى
يرسم ع الأرض الشجرة
ويدق أوتاد يربطنى
وأدور حواليكى ف فلكك
وألف ف أحلى مدار
والجذب ما بينى وبينك
ولا حد عارفله قانون
العشق فنون وجنون
ومعادلة كتبها الننيى
م البصة بدوب إكمنى
ويحاولوا يحطوا قانون
والبحث ف ألف رسالة
ولا ليلى ولا المجنون
فى الحب حَكَمْهُم حاكم
وانا أصلى كمان مجنون
عاشق ومتيم بيكى
وبدوب ف تراب أراضيكى
وأنا حر وحد شريكى
بالدم يا بلدى أفديكى
وهحطك جوخ عيون!
صورة ارشيفية
