د. صبرى إسماعيل يكتب: من يتيمة لأمّها

كنت باحلم ياحبيبتى حِلم بس مش اعتراض
وارتضيت باللى انكتب بأمر ربى فى الميعاد
وابتديت باليتم داخل دنيتى والحزن زاد
والحلم كان أملى الكبييير زى أحلام البنات
*******

بالدراسةالقى شمسك واصحى من حضنك لإيدك
لمّا نور الفجر ينده كل قلبى بيناديلك
والدفاتر والضفاير والأمل من فوق جبينك
*******
لمّا أفرح تفرحيلى والفرح يمرح فى بيتنا
لمّا أسهر بتقيدى لى ألف شمعة يانوّاريتنا
لمّا أحزن تحضنينى والآمان يسكن عيليتنا
******
لمّا اروح الجامعة يا امّة كل ساعة تنصحينى
جوّه قلبك نور ولمّةطيبة بتزوّد حنينى
تبقى حصنى-تبقى أملى تبقى بستانى وعرينى
******
كنت باحلم ياحبيبتى زى أحلام البنات
فى الخطوبة تسألينى برضه والرد الُسكات
همستك بينك وبينى بيها تبقى المعجزات
********
كنت باحلم فى زفافى قلبى بيكى ينشرح
وبإيديكى تلبّسينىطرحتى بكلمة مرح
القى دمعك فوق جبينى لكن الحلم انجرح
فرحتى ياامّاية ناقصة واللى ينقصها الفرح
واللى ينقصها الفرح
*******
أعتذر لكل يتيم أو يتيمة ففى الله خير العوض