فيسبوك
واتساب
اللى جوه العلبة إيه؟
اللى جوه علبة فيل
واللى بره العلبة إيه؟
واللى بره العلبة نملة
بص واتفرَّج يابيه
فبل ماتطلع معاملة
جوة قلبى الحزن طافح
كالجبال متقولشى فيل
برة نفسى دنيا واسعة
فى البراح وكأنى نملة
نملة واقفة جنب فيل
شفت همِّى بدون مجاملة
إمتى تتحل المشاكل
واشترى وأبيع فى جملة
واللى كابس فوق مراوحى
واللى حابسنى ف مذلة
للسواد مكتوم فى ليلي
القمر هيطل طلة
وازرعك يا أرض بلدى
قمحنا وياسمن وفلة
جوة قلبى كسرت فيلى
صار فى عينى كأنه نملة
صورة ارشيفية
