شاهيناز الفقى تكتب: أفيقوا يا عرب

أفيقوا يا عرب يا مسلمى الزمان ده
وجه الظلم انكشف وإيد الغدر واحدة
إن كان فى السودان ولا فى جنوب لبنان
سوريا عراق وفلسطين الدور الجاى على مين
تقتيل أطفال بالجملة شباب وشيوخ وعجائز
زعابيب ويقولوا ربيع وعدونا هو الفايز
جوع ومرض ومذلة وحاجه تحزن يا حفيظ
وضعنا ما بقاش يسر وحالنا بقى يغيظ
رايحين الجامعة نشجب راجعين مالجامعة ندين
ناسيين إن الغدر مالهوش ملة ولا دين
سودانى مصرى عراقى فلسطينى ولا إيرانى
مين فينا المجنى عليه ومين فينا كان الجانى
ناس بتحارب إخواتها ناس بتسلم بالذل
وواحد لابد فى مكانه مستنى يطيح بالكل
العالم كله اتوحد وإحنا بنخون بعض
واحد يسرق مال شعبه والتانى فى أخوه بيعض
نسينا اللى بيننا كله لغة وتاريخ وحضارة
نسينا وألف خسارة
على أمة كانت يوم مكانها فوق الكل
يبقى النهاردة مكانها ما بين إهانة وذل