علق مظهر شاهين، إمام وخطيب مسجد عمر مكرم، على تصريحات واشنطن بشأن إعدام إخوان المنيا، قائلاً: "طز فى أمريكا.. الإرهابيون يقتلون ويحرقون وبعدين الشرطة تقبض عليهم وتحولهم للنيابة وبعدين النيابة تحقق معاهم وبعدين تحيلهم إلى المحكمة وبعدين القضاة يحاكموهم وبعدين يصدرون أحكامًا بحقهم لتحقيق العدالة والقصاص والردع".
وأضاف شاهين، على صفحته الشخصية بموقع التواصل الاجتماعى "فيس بوك": "بعد تحقيق العدالة والقصاص هنلاقى الحقوقيين يندبون وبعدين أمريكا تولول وبعدين مطلوب بقى مننا نخاف من أمريكا والحقوقيين ونهدم كل اللى حصل ونديهم براءات وكمان نكرمهم على ما فعلوه من جرائم وكمان نطلب منهم السماح على أننا فكرنا نحاكمهم ونقيم دولة القانون أو يحبسونا مكانهم".
وتابع شاهين: "طز فى أمريكا واللى مع أمريكا.. طز فى أى شخص أو جماعة أو جهة تريد تعطيل القانون أو تقف حجر عثرة فى طريق إقامة دولة القانون وتحقيق العدل".
