يسرى محمد يكتب: هو أنا موش ابنك يابلدى

هو أنا موش ابنك يابلدى لما راح وانهدر دمى أنا فلاح بعزك ف الغيط ومن ترابك والله أنا جيت أمد لك إيدى بصى شوفى حفر الحق موجود ف كفوفى.

روحت وحقك والله عليا أفديكى بروحى ودمى شويه اسألى الميدان دا شاهد عليا وشاهد كمان على دم الشهدا وأصرخ وأقول أنا الشهيد اللى كان بيموت كدا قدامك بودعك وأنا بضحكلك وسايبلك كمان رسالة أمانة وصيتك فيها وصية أهه ف صورتى ديه اوعى لنفسك وليا لا تروح الصورة مانسية دى رصاصة الغدر قتلت واهى لسه كدا مطوية بدم ولادك يابلدى هو انا موش ابنك يابلدى لما راح وانهدر دمى.

شوفى اخويا ابن امى دا ايداكى تمام ولبى نداكى والله قوام اصله اتربى ف حضن نسيجك واهو جوه المصنع بيغزل خيطك يشغلك من توب الحرية حرير دا انتى همك كان والله كبير ومن زمان وبنخلص ليكى هلال دا مسلم وصليب دا مسيحى قولنا ياله بدمنا نرويكى ما انتى أم المصريين عطشانة بقالك والله سنين بدم بدم ولادك يا بلدى هو انا موش ابنك يا بلدى لما راح وانهدر دمى.

طب ودا خالى شيخ صيادين رامى شباكه ف حضن النيل حتى السمك دا بخته قليل قولنا نجيلك بقى ع التحرير ثوار احرار وبنى أدمين وزى زعيمنا سعد ما قال مافيش فايدة والله ياجدعان وعشان نغير م السنين شيلنا كلمة مجبورين وقلنا لابد من التغير ولو يكفيكى مليون شهيد دا يبقى الوقفة ويوم العيد هو انا موش ابنك يابلدى.