فيسبوك
واتساب
ايديكى باردة..عنيكى شاردة متحيرة
حبيتى حد.. بسأل بجد.. بقيتى متكبرة
دانا كنت ليكى. .وبنظرة عنيكى روحى متصبرة
قللتى ليه كلامك.. وفرتى ليه حروفك
لغيرى راح سلامك .. وزايدة كتير ضيوفك
خلاص عِلى مقامك!! الله يرحم كسوفك
مفيش داعى ألومك .. امشى مش عايز اشوفك
مش دايمة ومش راح تدوم
الفرحة فى كل يوم
لو ضحكت الدنيا ليك
بكرة عليك تقوم
وغنى وافرح وصيح
نام ع الحرير وريح
بس مجرد سؤال
ضميرك مستريح؟
صورة أرشيفية
