تمن(8) نخلات
وأرض كبيرة بتنادى
وصوت صافى بيبعت
للسما السابعة
أدان الفجر وشمس
بتتكسف منى!
خدود الصبح
مدهونة بحمَّار خدى
وبيعدى
لهيب الشمس فوق رأسى
وأنا لوحدى
بيغسلنى أدان الضهر
تمن ركعات وبين منهم
حنين للنور
وحور
ومكان بيتحايل
على روحى
وروحى بتتوجد
بالهمس فيتمايل
هوا عيونى
على أرض الخضار
بالحب
ويسقينى حنان منى.
ألمِّ خطاوى أيامى
وأسافر بيها للماضى
فتهدينى
أمل بكرا اللى كان
ذكرى
فى أول حلم نادانى
فأعود تاني
أقيد الشمع يجى الليل
ويرسمنى
تمن نخلات
وصوت صافى
بيبعت للسما السابعة
أدان الفجر
وشمس مُصرة
تكسفنى...!
صورة أرشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة