نورك فين يا كهربا
احوالك ليه متقلبا
من كتر فصل سكاكينك
قتلوا فقلبك الذبذبا
ضيك جوا القناديل
راح ف عتمة ليل
ومصر عروسة النيل
شابت فى عز الصبا
نورك فين يا كهربا
احوالك ليه متقلبا
فصلوا نبض الحياه
وحلم بكره تااه
مكتومه صوت الاه
لا فيه حنيا ولا طبطبا
نورك فين يا كهربا
احوالك ليه متقلبا
مفصولة ويجرى العداد
وفاتوره عايزه السداد
والقلب نبضه ذاد
والعقل صابه الغبا
نورك فين يا كهربا
احوالك ليه متقلبا
يا ام التاريخ والحضاره
يا شعاع النور و المناره
اخرتها لمبة جاز ؟
وكشافات بالحجاره !!
بنولد كهربا م السد
والميه عنه هتنسد
خايفين بكره يامصر
نلطم كلنا ع الخد
يا ام الدنيا ايه الحكايه ؟
يا نجمة ليلى وقمرايا
بدور عليكى ف سمايا
وانتى مسروقه متهربا
نورك فين يا كهربا
احوالك ليه متقلبا
من كتر فصل سكاكينك
قتلوا فقلبك الذبذبا
صورة أرشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة