فيسبوك
واتساب
إمضى ف دفاتر بالحضور
وامضى ف دفاتر الإاصراف
وانا مش لاقينى إن كنت حاضر
وكأن بينى وبينها سور
والقلب كاشش منى خاف
مستنى أفتح له المرور
مستنى يدخل جوة حلمي
يبدر تقاوى ف أرض بور
والكارت من شوقى إتملا
والختم يثبتنى حضور
وانا أصلى غايب من سنة
تشوفنى هنا وانا مش هنا
بتقول سنة؟ متقول سنين؟
بطَّلت أحسب بالسنين
بالدمع تِبْيَضْ العيون
تنزل غشاوة وتبنى سور
واحنا وراه متبعترين
نختم كروت نمضى حضور
واحنا غياب ومغيبين
صورة أرشيفية
