محمد عبد الله طاهر يكتب: قسوة الايام

يا قسوة الأيام ................خفى شوية عليا
دانا نفسى ارتاح ............وانام و ادوق طعم الحنية
وحشتنى ايام زمان ...........والدنيا راضية عليا
يا عينى على الايام ............ لما بتقسى عليا
ماينفعش فيها الكلام .............وتموت الفرحة فى عينية
يا قسوة الايام ...................خفى شوية عليا
دانا كل اللى طالبه ..............منك بس شوية حنية
مالك يا دنيا فيكى .............ايه زعلانة منى و لا ايه
بتدينى ظهرك كده ............ليه ساقيانى المر ما اعرفش ليه
انا نفسى ارجع زى ............زمان نفسى احس بشوية حنان
نفسى عيونى فى ................ليلة تنام اصحى ما احسش باى الام
يا قسوة الايام ...................سرقتى كتير من سنينى
انا نفسى ارتاح ..................وانام ابوس ايدك تنسينى
وحشتنى ايام ...................زمان امتى يا فرحة تجينى
واعيش شوية .................ايام قبل ما تخلص سنينى
يا قسوة الايام ..................خفى شوية عليا
دا كل اللى طالبه.............منك بس شوية حنية