عماد الحصرى يكتب: وحياة عيونك

حياة عيونك ولونى اللى لونك
هفضل احبك وعمرى ما خونك

فى صدقك معاكى
فى كذبك معاكى
هعوم على عومك
بدعيلك بقلبى
يسرك يصونك
وجعل يا ربى
يومى قبل يومك

خدى قلبى لنبضك
خدى روحى لعرضك
خدى فرحى لهمك
ولا تنزل دمعه منك

الدبله الجميله فى ايديكى حليتيها
و النسمه اللى جايا من ريحتك عطريها
وساعه ايديكى لو اقابلك عطليها
انا بحسد اى واحده سلمتى عليها
وببقى عايز ابعد ايدك عن ايديها

كل جمال الكون مايجيش حاجه فيها
والقمر بنفسه ماقدرش عليها
دى ساعه رضا منها بالدنيا ومافيها
حبيت كل حاجه حبتيها

محتار
اهديكى ورد ؟ دا الورد يشمك
اديكى حضن ؟ دا الحضن يضمك
محتاج بس نظره وكلمه حلوه منك
كسر الخاطر حرام إلهى يرضى عنك