غازى حبيبة يكتب: بلغوا بنت الأكابر

بلغوا بنت الاكابر
انى متحمل وصابر
وان ليل الغربه اتقل
من دخول عتب المقابر
وانى شارب مر علقم
وان طعم الغربه فاجر
بلغوها عن عذابى
عن حنينى واغترابى
عن اعز سنين شبابى
لما بتضيع ف المحاجر
بلغوها باللى حاصل
واللى واصل للمفاصل
وانى مهما بعدت راجع
وانى مهما توهت واصل
بلغوها بالاشتياق
وان صدرى عليا ضاق
وانى قبل م اكون عريس
صرت افكر فى الطلاق
بلغوها مازلت طاهر
وانى مش غاوى المظاهر
وان فيه فى الغربه واحد
مص دمى واسمه ساهر
بلغوها بالمرتب
وبمديرى لما يقلب
وبكفيلى لما يندب
والمعقب لما يطلب
ست الاف نقل الكفاله
بلغوها لما تقبض
تبقى تبعتلى الحواله
بلغوها وعرفوها
انى مش هسكت لأبوها
وانى جبت عشانه سبحه
وجبت فيزا لحمو أخوها
بلغوها وفهموها يعنى ايه كلمة كفيل
خلى حمو لسته وامه وابعتيلى بداله ميل
اكتبيلى فيه بحبك وانى جنبك مش بفارقك
وان لجل تحس بيا هاجى اساعدك ف الغسيل
بلغوها وبلغونى
باللى باقى من ديونى
امتى يالغربه تهونى
والتقى بنت الاكابر
سلمولى ع اللى سافر