باحلم برئيس يحس بنا يا غلابة ... يحمينا من تجار اتحولوا لديابة
يوفر لنا العلاج يبدد فينا أهات ... مفعولة يحقق لصحتنا السلامات
ورغيف نضيف يرمينا بالصحة ... يدينا العافية يحمينا من الكحة
وتعليم بدون دروس خصوصية... ويعيد بناء الجيل بكل منهجية
أولها نزرع الأمل والانتماء فيه... يحب الوطن ويؤدى اللى عليه
تانيها غرس احترامه لكل كبير ... زى ديننا ماقال لكل كبير توقير
بأحلم برئيس مصر جوه عنيه ... يكون للجميع للخير وربنا يهديه
يحقق بالحكمة أهداف ثوراتنا ... عيشة هنية يحافظ على كرامتنا
وعدالة زى ربنا فى كتبه قال ... اعدلوا أقرب للتقوى خير منوال
باحلم برئيس يسمعنا الأصوات ... للمكن تنتج لنا وتسد الحاجات
وتصديرنا يعود علينا بالعملات ... بيها نعلوا مانقول لغيرنا هات
باحلم برئيس يكره لون الضلمة ... يزرع معانا الحب يعشق اللمة
يكون لأسباب كل جمال عارف ... أولها نضافة شوارعنا بالمغارف
النضافة تبقى عنوان شوارعنا ... وجناين لنا متنفس بالحب تجمعنا
باحلم بأقواله لنا نفسها أفعال ... وده يبقى منهجه لرجالته منوال
على فكره حلمى كبير وكتير ... لكن الأمل بالعمل خلطة كل خير
أقولك كمان يا رئيسنا القادم ... باحلم ألا تخاف فى الحقوق لائم
باحلم يا ريت كل الحلم يتحقق ... كفاية علينا كلام حلو لنا متزوق
باحلم لمصر يا ريت تسمعنى ... بلاش كلمة بكره لا دا يزعلنى
باحلم بصدق منه لنا ونيس... يشاركنا بكل صراحة ولا تدليس
باحلم نعيش دايمًا فى أمان ... ونبقى كلنا قلب واحد من الإيمان
باحلم برئيس يخاف فينا ربنا ... بالعدل يحقق كل مفردات حلمنا
بأحلم برئيس يحارب كل فساد ... بكدا عرق شبابنا يبنى الاقتصاد
باحلم برئيس يحافظ على النيل ... نهر من الجنة يشفى كل عليل
باحلم برئيس قلبه كبير صابر ... بالعمل والأمل يبقى الخير هادر
ويعرف أن اختيارنا له تكليف ... وحكم مصرنا له كمان تشريف
يارب حقق حلمى أمنا غالية ... مصرنا العزيزة تبقى دايمًا عالية
صورة أرشيفية
مشاركة
اضف تعليقاً واقرأ تعليقات القراء
مشاركة
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
gamal mohamed
حلمك هو حلمى
عدد الردود 0
بواسطة:
نصر فتحى اللوزى
الامل توأم نبضات القلب