أنا الميدان اللى قالوا عليه زمان...
واتكتب اسمه بالدم فى كل مكان
أنا اللى شهدت على ثورة...
قامت بشعب مقهور
لما فاض بيه الكيل... قام وعدى السور
أنا الميدان اللى اتملى بالنسمة...
نسمة شهيد، نسمة سجين، نسمة فقير...
نسمة، حتى اللى مالوش نسمة
أنا الميدان
اللى اترسم على حيطانه اسم كل شهيد
وبيجى أصحابه يقروا على روحه الفاتحة كل عيد
أنا الميدان
أنا اللى وقفت وصرخت بعلو صوتى
شدى حيلك يا بلد
قوموا وعلو صوتى وحرروا كل مظلوم ف البلد
أنا الميدان اللى رفرف عليه ألف مليون علم
ومهديش...
ولا عمره حيهدى
إلا ما يشوفك يا بلدى... من غير ألم
أنا الميدان
اللى عزلت نظام والتانى
وحفضل صامد أحقق لشعبى الأمانى
ظلى واصل لكل مدنك يا مصر
شايفه من القصر ولحد ألف عصر
أنا الميدان اللى واقف ورا شعب جبار
وقت الأزمة يقدر يصد وعمره ما ينهار
أنا الميدان.
علم مصر
مشاركة
اضف تعليقاً واقرأ تعليقات القراء
مشاركة
