ليه فى وشك فكر دايب
يرمى ع الأرض السلام
لمَّا عينى تشوف عنيكي
حتى لو كنت ف منام
لمَّا بحر العين محبة
والشطوط للموج تفارق
والرموش تحرس ضياكى
والقمر بدر البدور
حبى يجرى كأنه مد
والقمر سهران بوجد
عينه حارسة السهرانين
والغيطان فى عنيكى تسرح
والعنب عنقوده طاب
دوقينى منه حبة
المحبة ماتستخبى
والعسل فوق الشفايف
آه يا نار المحرومين
والخجل يمسح شفايفك
والحَمَار ف الخد ضارب
والعنين للأرض تنزل
خايفة م الشوق والحنين
جتنا نيلة مغفلين
هى دى ست البنات
لما تطلب دغرى هات
جوة نن العين تبات
تعشقك يوم التلات
ع الخميس متجوزين
أرشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة