ضحكت قالوا مبسوط
حطيت إيديا على خدى
ميعرفوش
إنى بدارى الاها بالضحكة
دموعى فى عينيا محفورة
والضحكة بقت صورة
لكل الناس برسمها
كتير جوايا أحزان
ولا بيسمع ولا بنحكى
وكان يا ما كان
نقول حزن
يقولوا فرحان
ده بيضحك وااه يا زمان
تعبت بجد مش قادر
أوزع ضحك على الناس
وقلبى من الفرح شاغر
ما هو أنا ليا إحساس
الكل عايز ومش يدى
وماشى أنا على أدى
حرمان كبير وظلم كتير
وفين حقى
لكن هقول مين أدى
هشيل حزنى أنا لوحدى
وهوزع برده أفراح
ومش هبكى على اللى راح
وهفضل أقول
مين أدى.. يمكن بكره هتعدى
شخص مبتسم
مشاركة
اضف تعليقاً واقرأ تعليقات القراء
مشاركة
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
مروه
ويمكن بكره تعدى