زهقت من الملل والحزن والكآبة.. وكمان كلام السياسة بقت بتموع النفس.. ما تيجى نكتب سعادة.. ونخلى السكر زيادة ونوزع ورد على الناس وابتسامة.. مش يمكن يكون الحل هنا ولا إيه.. طب تعالوا نجرب..
اللى يسألنا نرد عليه ونفهمه.. مش لما يسألنا على مكان ومش عارفين نفتى ونتوهه فيه إيه لو قلت مش عارف... وفيها إيه لو عارف ووصفت المكان صح.. الفكرة مش مكان بس الفكرة فى الحياة كلها.. لما تعرف قول..ولما تكون مش عارف أسأل وأتعلم
ولما تحب تتعلم لازم تسمع كويس وتفهم.....وتناقش.......
وكمان علشان توصل لنتايج كويسة لازم تجرب.....
مهى التجربة حلوة بتفيد بس مش أجرب حاجة عرفت أنها غلط بحجة إنى أتأكد يبقى عايز أضيع وقت وجهد فى الفاضى....
إنما أجرب علشان أحل حاجة صعبة ملهاش حل كده فى محله......
إيه اللى إحنا قلناه فوق ده....
عموما حبيت أقول اننا مش كل حياتنا صح ولا أفكارنا صح وكمان مش عيب لما أغلط لكن العيب إنى أتمادى فى الغلط....
يقولى واحد أنت تقصد إيه من ده كله...أرد أقوله والله ما أنا عارف.......المهم تصبحوا على خير ونورتوا المقال خد الباب فى إيدك ولا أقلك سيبه يمكن حد يكون جيلنا أهو من باب التجربة.
ورده– أرشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة