يا فرح دايم لغيرى .. وجايله بغناوى
لافف على قلوب البشر عامل مداوى
ناوى تجيلى ف مرة .. ولا مش ناوى
يافرح فرحان بقهرتى ولدمعى غاوى
**************
مش طالب افرح جمعتين
ولا حتى جمعة ولا يومين
سؤالى بس للفرحانين
طابور الفرح مكانه فين؟
*************
يا طابور طويل ملكش حل
يافرحه جاية وبطعم ذل
يا شمس نارها كويانى
وجيانى.. حتى ف الضل
************
انا م الزمن ياما اتفرمت
وكتير وقعت وبرضه قمت
يا هم لفيت ع البشر
ليه عندى دومت؟!!
***********
الصبر جالى وطبطب على كتافى
لقانى شارب مر وع الجمر حافى
الحزن دمرنى والصبر بشرنى
قلى اصبر على همك ..دا ربك الشافى
صورة أرشيفية
مشاركة
اضف تعليقاً واقرأ تعليقات القراء
مشاركة
