ومن الجـدير بالذِكـر
أن الوجـع بقى حِكْـر
ع اللى بشوفه اختلى
والمُبتلىَ بالفِكْــــــــر
ومن الجدير بالقول
إن الألم موصـــول
من ربكة البــدايات
لتــــوهة المجهــول
ومن الجــدير بالشوف
اللعــب ع المكشـــوف
وبيــــــــــاعين بكـــرة
المزحومين ف كشوف
ومن الجـدير بالرصدْ
إن الغـرض والقصــدْ
يفضل وليــــد النـــور
سجين عَمَاه عن قصدْ
ومن الجـدير بالشَجَنْ
إن البـــــراح اتسَـجَنْ
وان الأمـــان سـرقوه
والبوح بخوف اتعَجَنْ
ومن الجـــدير بالأسـىَ
إن اللى فـــات اتنســىَ
وإن اللى جى ضــارب
صندوق حبوب هلوسة
ومن الجــدير بالعَجَبْ
الحــق ضَيُــه اتحَجَبْ
والزيـف علت رايتــه
وطوفاننا حلْ ووَجَبْ
ومن الجــدير بينا
فَـــرعــون يربينا
وتاريخنا يوصِمنا
بضحـايا كــومبينا !
