موش عادى حنانك
موش عادى
بتطبطب دايماً وتدادى
وعيونك صاحيه بتحرسنى
وبتكفينى شـر الدنيا دى
موش عادى حنانك
موش عادى
كلك حنيه وبتنادى
على كل مخاصم ومعادى
وبـتفـتـح قـلـبك وتـضـمه
وتسامحه كـمان المرا دى
موش عادى حنانك
موش عادى
ومعايا ضـميرى وهوعــونى
وف كــل خُـطـاى بـيـتـبعــنى
ولو اخـطى صـوته يرجـعـنى
ويقول أنا عنك موش راضى
موش عادى حنانك
موش عادى
ياما خدنى غرورى بتحدى
ياما قلت العالم موش قدى
ورجعت ودمعى على خدى
ولقيتك عندى هـنا قصادى
موش عادى حنانك
موش عادى
يـامـا كـتـروا عـليّا أعـدائـى
ياما شك اصحابى فى ولائى
وكـنـت لـوحـدك معـى بـاقى
حـبـك يمـلانى أنا الـفـاضـى
موش عادى حنانك
موش عادى
إمـلانـى بـحـبـك وحــنـانـك
ولا تحرمنيش من أحضانك
يا مفرّح عمـرى بإحـسانك
حــن يـا رب عــلـى بـلادى
موش عادى حنانك
موش عادى
صورة أرشيفية
مشاركة
اضف تعليقاً واقرأ تعليقات القراء
مشاركة
