الحب بقى عملة نادرة.. انقرضت فى الزمان ده
هاجرت قلوب كتيرة .. وسابت قلوب معاندة
الكل مشغول بحاله .. والمادة واكلة له باله
مش حاسيس باللى.. جرى له و ماشى مغمض عينيه
لو قلت كلمة بنية.. صافية وقوية
يقولك ده عينه فيا.. وعامل خايف عليا
الحب ماضى و فات.. وناسه تاريخ ومات
ياما حبو بالساعات.. من قبل ما يبقى ذكريات
حاول تدور عليه.. ولو جالك مرة اشتريه
دا القلب من غيره ايه.. كائن روحه مش فيه
الحب أربع حروف.. أولها عليك ملهوف
من غيره ما أقدرش.. أاشوف جمال و حلاوة السنين
تانيها أنا نفسى أحب.. وأدوق حلاوة الحب
بيعمل ايه فى القلب..دانا نفسى أعيش فى الحب
ياللى ما تعرفش الحب.. افتحله باب القلب
تحس بطعم الحب.. ويعيش القلب فى حب
الحب بقى عملة نادرة.. انقرضت فى الزمان ده
الكل مشغول بحاله .. والمادة واكله له باله
مش حاسس باللى.. جرى له وبكرة يندم عليه
صورة أرشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة