عزة عثمان تكتب: بتحبيه أد إيه

سألونى بتحبيه أد إيه
بحبه أكتر من العالم واللي فيه
حبه فى قلبى اتولد
من يوم ما قالوا لي جبتي ولد
وولدي يعنى وريـدي
يعنى ضهرى وسندى
شهامة ورجولة ترفع الراس
تغلب كل شيطان وسواس خناس
لاتكون تافه ولا تتكلم كلام وخلاص
نيتك صافية وتعامل الناس بإخلاص
إياك تظلم ولا قلبك يكون حجر صوان
اصل الزمن يا بنى دوار وداين تدان
يمكن أكون شديدة أو أكون صعبة
الرجولة فى الزمن ده بقت عملة نادرة
عارف يابن عمرى إيه من الدنيا بتمناه
طريقك ينور بالإيمان وعبادة ربك ورضاه
ويوم ماقول اللاه القى إيدك قبل الكل ممدودة
تطبطب وتداوى وأكون بحبك وحنانك موعودة
ويرضى عنى ربى وأفرح بنجاحك يابنى
وتبقى حصاد زرعى بعد ما أكبر وأربى