فيسبوك
واتساب
عِرفـّنا كل شىء فيها
ولكن برضه ما عرفناش
نعيشها وإمتى نِفّديها
وليه جوانا ما بتعلاش
دا مصر عروسة ف الزفة
ودايمًا فيها نتدفى
وليه متعطلة الدفة
وليه بنبيعها يوم ببلاش
وليه يا مصر محتارة
وتايهة ف دنيا دوارة
بتتعافى ويا خسارة
بتبكى علّى ما بيسواش
هنعرف إمتى يوم قيمتك
ونرفعلك عمود خيمتك
قلوبنا تمحى ليل غيمتك
وغيرك بس ما كسبناش
ومهما ضحكوا يوم ليكِ
وطمعوا ف كل شىء فيكِ
بدمى بس أرّويكِ
وروحى ليكِ ما بتغلاش
علم مصر
