بنعيش بجد
ونفتكر إن إحنا مش عايشين
طب ليه بنمشى الطريق
لما إحنا مش عايزين؟!!!
طرح الأمل من الحياة
بيساوى عندنا كام؟
وإيه بيجمع..
ما بين الطرح والمجموع
موضوع يموت ويحيا
بعده مِييت موضوع
وخضوع ويأس وذل
فى الممنوع
ورجوع لآخر المطاف
خطافة بنت الإيه
الدنيا سكة
على السكة بتتمايل
والحظ فيها يإما بيعلا
أو مايل
وانت اللى قايل
هاعيش وهاموت
ومش فارقة
أبيض وأسود
وبين الاتنين
سما زرقا
وسنين بتغرس سنها فينا
وإن يوم شكينا بسرعة
تغير الموضوع
الفرح شىء مخلوع
فى حكم بيقبل استئناف
زى اللى شاف الحلم
بيمرجح خطاوى الكون
مجنون وبحلم اشترى الضحكة
وادفع مقابل ضحكتى روحى
لكن ميزان الدنيا ليه مختل
راضى بأقل من اللى كان مكتوب
اكتب ياقلمى فى دفتر الأحوال
على دا الحال أنا عايش
ونفسى إن البشر دا يعيش
ونمشى السكة للآخر ولو
أحلام.
صورة أرشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة