رغم كل وأى حاجة..
إنت تقدر تبقى حاجة
ليه بترضى بأى حاجة ؟
وأنتَ ممكن تبقى حاجة ؟
إللى فاتك سيبه فاتك
مش نهايتك ... مش وفاتك
لسه فى وقت ف حياتك
يتعمل فيه أى حاجة
حتى لو فيك الجنون
بردو فيك كنز مدفون
هوا دا اللى راح يكون
حاجة منها تبقى حاجة
اكتشف إيدك ورجلك
اكتشف جسمك وعقلك
جوا دول لازم هتمسِك
جوا دول هتلاقى حاجة
اكتشف جرَّب ودوَّر
شىء كبير أو شىء صُغيّر
لو تجرَّب إيه هتخسر؟
مش هتخسر أى حاجة
فى اللى يمكن راح يساعدك
فى اللى راح يطعن فى ضهرك
بس مجهودك وصبرك
دول أهم وأغلى حاجة
لو بدايتك كَت بسيطة
النجاح ما عملش زيطة
حتى لو حاجة عبيطة
حاجة منها تيجى حاجة
مش لابد تكون وزير
نجم شباك أو شهير
إنت إنجازك كبير
لو تطوّر أى حاجة
اكتشف نفسك وذاتك
عَرَّف العالم ثباتك
إوعى ترضى تكون حياتك
أى حاجة ف أى حاجة
النجاح مش مستحيل
والعزيمة شىء جميل
لو طريقك كان طويل
إمشى يمكن تلقى حاجة
فى احتمال انك هتوصل
فى احتمال انك هتفشل
لو فشلت .. وإيه هيحصل؟
مش هيحصل أى حاجة
السما مفتوحة ليك
النجوم أهى بين إيديك
إعمل انت اللى عليك
وأنتَ تاخد كل حاجة
أرشيفية
مشاركة
اضف تعليقاً واقرأ تعليقات القراء
مشاركة
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
هانى
جميلة
قصيدة تربوية جميلة .
عدد الردود 0
بواسطة:
kholood
راائعه بجد
جميله جدا سلمت يداك
عدد الردود 0
بواسطة:
ayman
فنان
ممتازة يا فنان اروع ما قرات لك
عدد الردود 0
بواسطة:
عمرو عبد الظاهر
ممتازة
فنان ياعمر بالتوفيق ان شاء الله ومزيد من الاعمال