فيسبوك
واتساب
وبحلفلك وبالنعمة
وزى إخواتنا صدقنى
لسانى تربطه الكلمة
يا اخش الجنة من بابها
يا قعر النار وتحدفنى
مَلاكى يمينى وشمالى
فى صبحى وليلى بيسطر
فى أوراقى
وتقراها حروف وكلام
ونيل الحبر لم ينضب
يسوَّد صفحتى البيضة
لسان ملدوع ولا العقرب
يرص حروف تقول شيشة
بفحم بيكوى ق الأجساد
ظلمت عباد
ودوست عباد
وأطلب ربى يغفر لى على السجاد
وأسيب الدقن قال هيبة
يادى العيبة يادى الخيبة
على العبَّاد
دا رب الكون عليك تايب
عشان خايب
ما شفت حساب
حقوق الناس ما يغفرها
فى أى كتاب
هتلبس هدمتك بالية
تلف الدنيا بالحارة
وتستسمح فى خلق الله
ولا يسامحوك
ما كات الكلمة فى لسانك
ومربوطة
وليه تحرج؟
كلام فارغ
بيتسطر فى كشف حساب؟
صورة ارشيفية
