وإيه يفرق بُعادِك كان شبه قـُربك
وتنسى كل شئ ليّا ومات قلبـِك
وفكّرتى بإن البُعد يكسرنى
وليل الفكر طال بيّا محيرنى
وغير حضنِك ماليش مطرح يلملمنى
وما قدرشى أبات ليلة بعيد عنِك
وحاسة أنك المالكة لأقدارى
وحاسة أنك الجنة ف مشوارى
وشوش لبساها فوق وشك وبتدارى
وتايه قلبى بين شرقِك وبين غربِك
ولعنة حُبى هتقرب وهتصيبك
اسيبك يومها حيرانه واشوف غيرك
وهيضيع يومها وبإيدك ونَسّ ليلك
وهتحسى بإنى توهت عن سِربك
ولابسه توب ما هوش توبك ومش لايق
وفكر عنيد وطول الوقت مش رايق
وإيه ذنبى أعيش وياكِ متضايق
خلاص ما بقاش يأثر فيا يوم حُبِك
وفاكرة الدمع بين قلبى مغطينى
وفاكرة الدم هيخاصم شرايينى
أنا عايزك تبُصى ليّا وف عينى
هتلقى صوره بهتانه وأنا جنبِك
صورة أرشيفية
مشاركة
اضف تعليقاً واقرأ تعليقات القراء
مشاركة
