فيسبوك
واتساب
فى ضل الكورة نتدارى
فى حضن الليل
ونتدفى فى بعضينا
فننسى الويل
ونتغرب فى أشواقنا
ونعشقها فتعقشنا
وبنكلبش قى أنفاسنا
وبندوِّب فى إحساسنا
ونتشعبط فى خيط أبيض
بفجر جديد
شعاع الشمس بيدفى
خطى التنهيد
تشق الأرض فى ترابها
بنبت جديد
هنرويها بأشواقنا
ونحميها نشوف زهرة
ترعرع قلبها الثمرة
ونجنيها فى يوم دافى
تشد القلب متعافى
يقوم يقدر على سهرة
فى عز الليل
وتتكرر كمان دورة
ما بين الشوق والحُرقة
ومن عمرى تضيع ورقة
بصبح وليل
صورة أرشيفية
