ودشن نشطاء موقع التواصل الاجتماعى "تويتر" هاشتاج حمل عنوان "أول هدف لصلاح"، أبرزوا خلاله فرحتهم بالفرعون الصغير، وقال أحد النشطاء، ""صلاح يا عمهم يا حارق دمهم"، "مش مصدق نفسى صلاح جاب جون وفى مين كمان أرسنال هيغمى عليا"، "أول ما صلاح استلم الكورة ودخل على الجون أنا قلبى وقف محستش بنفسى غير وأنا بتنطط فى الأرض".
وقال آخر: "مع إنى حزين عن خسارة أرسنال بس ﻻزم نفرح علشان محمد صلاح"، "فى المباراة الألف لفينجر خسارة مذلة لأطفال لندن أمام فخر لندن.. صلاح يسجل أول أهدافه مع البلوز"، "مع أنى بكره تشلسى بس فرحان إن صلاح لعب كويس وجاب جون".
وأكد أحد النشطاء، أنها لحظات تاريخية لصلاح لما يجيب جون فى الأرسنال ويسجد فى ملعب استامفوردبريج ويلعب بجانب هازاد وآوسكار وتوريس ومدربه يكون مورينهو.
وعلق النشطاء على هدف صلاح، ساخرين بأنه يجب ألا ينسينا هدف مجدى عبد الغنى فى كأس العالم 1990، وقال أحدهم: "أوعوا الجول بتاع صلاح ينسيكوا الجول اللى أنا جبته فى كاس العالم"، وأضاف آخر: "أكيد السجدة فى ستامفود بريدج ليها طعم تانى، أول لاعب عربى فى التارخ يسجل فى ثلاثى العاصمه تشيلسى والأرسنال وتوتنهام، صلاح مشرفنا قدام العالم".
وقال النشطاء: "الناس إلى اتفرجت على ماتش تشيلسى والارسنال شايفه كل لعيبه، وربنا المصريين مش بيفرحوا غير على لعبك يا جدع صلاح".
وقالت ناشطة: "مبروك لنجم الكرة المصرية والعالمية محمد صلاح أول هدف له مع تشيلسى أمام الأرسنال دايما مشرفنا يارب ومزيد من التقدم إن شاء الله"، ولفت أحد النشطاء، إلى أن صلاح أصبح يجسد شخصية يوسف الشريف فى فيلم العالمى هو السوبر ستار "اللى هيحقق أحلام المصريين فى كأس العالم".
أخبار متعلقة
بالفيديو.. تشيلسى يسحق أرسنال بسداسية و"صلاح" يسجل هدفه الأول
بالفيديو والصور.. 9 مشاهد من فرحة "صلاح" بهدفه.. سجدة فى إنجلترا.. سعادة مورينيو.. حسرة فينجر.. احتفال "الفيفا"
