فيسبوك
واتساب
كل سنة وانتى بركة بيتنا
كل سنة وانتى سندنا ف دنيتنا
كل سنة وانتى الرزق والخير
كل سنة وانتى زادنا وقوتنا
كل سنة وانتى بخير يامه
وماتشوفى مرض ولا غمه
كل سنة وانتى بخير يا أمى
كل حنان الكون وانتى بتضمى
كل سنة وانتى بخير يا ماما
كل سنة وانتى بصحة وسلامة
كل سنة وانتى مهنيانه
وبدعاكى حميانه وسترانه
طول عمرك علينا شقيانه
وبشقاكى مبسوطه وفرحانه
ملبسانا ومنضفانا
مأكلانا ومشبعانا
ومنيمانا ومغطيانا
وفى عز تعبك علينا سهرانا
فى كده فى الدنيا بأمانة؟
فى عيدها دايما ..هانوها واحضنوها
وامسكوا ايدها ورجليها وبوسوها
وطولوا بالكم عليها واستحملوها
دى الجنه تحت اقدامها..ادخولوها !!
نظرها ضل ..خليك عنيها
سمعها قل.. النبره عاليها
البرد حل.. غطيها..دفيها
مراتك تغل.. اوعى تبديها
دى الدنيا دواره وهيجى الدور عليكم
بروها ..طاوعوها وشيلوها ف عنيكم
طبطبوا عليها راضوها إلاهى يراضيكم
دى دعوه منها تستركم تنجيكم
كل 21 مارس
احميها وصونها يارب وانت الحارس
صورة أرشيفية
