فيسبوك
واتساب
قالولك .. خافى على قلبك
دا ياما باع قلوب قبلك
قالولك كل جواباته
كتبها لناس كتير قبلك
وكلمه فى غنوة فى حكاية
ويعمل قصة ويقابلك
يقولك إنتى كل الناس
وحارب أى شىء عاندك
يقولك غالية زى الماس
وقلبى راح سكن عندك
ويغدر بيكى كالعادة
يبات الدمع على خدك...
وتنضمى لحواديته
ولا بخاطرك ولا بيدك
***************
قوليلهم...إنى شاريكى
ولا عمرى هكون بايعك
وقولى وهبتلك قلبى
وعايش ليكى ومطاوعك
وإن الغدر مش طبعى
وإنى عمرى ما هلاوعك
وإنى نسيت معاه دمعى
وإن الفرح مش سايعك
صورة أرشيفية
