سيد منير عطية يكتب: ساكنة روحى

حاولت كتير ألاقى
حنان جواكِ
كلمت عيونك تسمعنى
ناديت إحساسك
لقيت الصد جواكِ
خدنى النبض لعروقك
توهت جوه شرايينك
لقيت إحساسك ساكن
جوه تكوينى
بكيت ودموعى تكوينى
خانتنى ظنونى
ناديت الصبر يسكن قلبى
لقيتك ساكنه فى روحى
متمددة بطولك
سألت الروح
عن حبى
جاوبنى النبض
ساكنه ف عيونى
حسيت بهواكِ بيملكنى
عايش جوه خطاوى الليل
كأنه وليد وبيكبر
ونبضك ليه بيملكنى
وروحك ليه جوايا
متمددة ف حضنى
وحنانى سر وجدانى
والليل مسكين شايف جرحى
وكأن دموعى ما بتكتب
لحظه حب جوايا
ولا عاديت كدا لحضنك
ولا بقيت كيان عايش
وأعيش إزاى جواكِ
وكل ما قرب تصدينى
تلاوعينى
تحاصرنى هواجس خوف
بشكى للزمان صدك
ما أنا العاشق
حسيت الحب ف وجودك
ملكتى كل أحلامى
وف بعدك سرقتى منى الروح
إزاى أقول لك بحبك
وصورتك معايا فين ما بروح
معششة كدا ف قلبى
مطبوعة جوه الروح