فيسبوك
واتساب
وف عز ما بنزعل منك بنروق برضه ف ثوانى
ومهما بنبعد عنك بنرجعلك انتى تانى
ومهما تعملى فينا
ومهما تيجى علينا
ومهما تبهدلينا
انتى برضه اللى لينا
لسه برضه مش فاهمه ايه سر التعلق بيكى
مع إننا أصلا مش ف دماغ معاليكى
وإن جه حد يسألك عنا يلاقيكى
لا إنتى فكرانا ولا إنتى فاكرة نبقى لك إيه؟
قوليلى كده إحنا بنتعلق بيكى ليه؟
لا هتعرفى تجاوبى ولا تعرفى تداوينا
شاطرة بس يوم الأزمة بعلو صوتك تنادينا
واحنا من خوفنا عليكى نجرى ونجيلك ع عنينا
ونقول هتتغيرى وإن شاء الله هتتعدل
وبكرة الدنيا تحلو ومسير الأيام تتبدل
نلاقيكى زى ما إنتى ما فيش تغيير
وع حالك من زمان وبقالك كتيييير
تعبنا منك وزهقنا منك
بس برضه بنموت فيكى
ومهما بتدلعى بنحاول نراضيكى
زعلانه منك أنا منكـــرش
لكن أقسى عليكى مفتكرش
وعن حبك يا بلدى متنازلش
ده أنا ف الفرح وف الوجع بحبك يا مصر
يا حبيبتى يا مصر
علم مصر
