بحبك لأنى اتولدت فيكى
ومهما حاولت أبعد
ألاقى ألف خيط رابطنى بيكى
وإن زعلت منك
وجيت أعاتبك
من أول نظرة لعنيكى
بيتوه كل كلام العتاب
وأنا بين إيديكى
ويبقى نفسى أرجع صغيرا
وأجرى عليكى
وأبكى وأقولك
إزاى أنا باهون عليكى؟
وعمرى اللى عشته
وحلمى اللى شفته
هافضل أتمنى أحققه ليكى
ورغم الأسية
ورغم العناد
ورغم السنين العجاف الشداد
مش همشى و أسيبك
و لا فى يوم هاشتكيكى
صورة أرشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة