ضهرى المتين انكسر ... وماعدش فيه غضاريف
جبنا الطبيب نسأله ...قال ده الوضع مخيف
ماأقدرش اقول انحنى ... وما أقدرش اقول ده سليم
وماعرفش امته الزمن ...ده ربيع بيبقى خريف
تهنا يومين فى الأسى ....ويومين هموم شايلين
ضهرى عمال ينحنى ...الحل إيه يا طبيب
رد بحسرة ومشى .... كله فى علم الغيب
عدت ليالى وفضل ...ضهرى المتين مكسور
فجأة الطبيب انفزع...الحل عدى النور
لفوه بحتة كفن ........يصبح تمام مستور
فى القبر حطوه هنا .... هينام يقوم مسرور
صدقته سبتك هنا .... ورجعت أنا للنور
لوكان بإيدى يا سند...ما تكون هناك مدفون
لكنت شيلتك زمن ...وعمرك ما كنت تهون
الدمع منى انفرط..........والصرخ بى مكنون
ضهرى المتين انكسر .... وماعدش فيه غضاريف
صورة أرشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة